“İkili dövlət proqramını seçməyimin əsas səbəbi sonuncu kursu Cənubi Koreyanın İNHA Universitetində oxumaq və sonda iki diplom almaq şansıdır”.
Bu fikirləri Bakı Mühəndislik Universiteti (BMU) və Koreya Respublikasının İNHA Universiteti arasında icra olunan tam dövlət təqaüdlü beynəlxalq ikili diplom proqramının (İDP) İnformasiya texnologiyaları ixtisasının tələbəsi Nihad Qarayev bildirib.
Proqramın digər üstünlüklərinə toxunan N.Qarayev bu sırada Koreya dilini öyrənməyi, tədrisin yüksəkixtisaslı professor-müəllim heyəti tərəfindən həyata keçirilməsini, Koreyada “Yay məktəbi”ni xüsusi vurğulayıb. “Əgər siz də mühəndislik ixtisasları üzrə ixtisaslaşmaq və gələcəkdə xarici universitetlərdə təhsilinizi davam etdirmək istəyirsinizsə BMU-İNHA İDP-ni seçərək, bu məqsədinizə çata bilərsiniz”,-deyə N.Qarayev qeyd edib.
Proqramla bağlı daha geniş informasiyanı http://ddp.beu.edu.az/az/page/haqqimizda-257/ linkinə daxil olaraq əldə etmək mümkündür.
Proqramla əlaqədar digər tələbələrin təəssüratlarını http://ddp.beu.edu.az/az/page/telebelerimizin-idp-barede-teessuratlari-328/ linkindən izləmək olar.